قازاقستان رەسپۋبليكاسى ەنەرگەتيكا مينيسترلىگىنىڭ بۇيرىعى №361

  2016 جىلعى 29 شىلدە  استانا قالاسى رەزەرۆتىك قوردى قالىپتاستىرۋ جانە پايدالانۋ قاعيدالارىن بەكىتۋ تۋرالى «جاڭارتىلاتىن ەنەرگيا كوزدەرiن پايدالانۋدى قولداۋ تۋرالى» قازاقستان رەسپۋبليكاسىنىڭ 2009 جىلعى 4 شiلدەدەگi زاڭىنىڭ 6-بابى 9-2) تارماقشاسىنا سايكەس بۇيىرامىن: 1. قوسا بەرىلىپ وتىرعان رەزەرۆتىك قوردى قالىپتاستىرۋ جانە پايدالانۋ قاعيدالارى (بۇدان ءارى - قاعيدالار) بەكىتىلسىن. 2. قازاقستان رەسپۋبليكاسى ەنەرگەتيكا مينيسترلىگى جاڭارتىلاتىن ەنەرگيا كوزدەرى دەپارتامەنتى قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن: 1) وسى بۇيرىقتى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەۋدى; 2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەلەرىن مەرزىمدى ءباسپاسوز باسىلىمدارىنا جانە «ادىلەت» اقپاراتتىق-قۇقىقتىق جۇيەسىنە, سونداي-اق قازاقستان رەسپۋبليكاسى ادىلەت مينيسترلىگىنىڭ «رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنا رەسمي جاريالاۋعا جىبەرۋدى; 3 وسى بۇيرىقتى قازاقستان رەسپۋبليكاسى ەنەرگەتيكا مينيسترلىگىنىڭ رەسمي ينتەرنەت-رەسۋرسىندا جانە مەملەكەتتىك ورگانداردىڭ ينتەرنەت-پورتالىندا ورنالاستىرۋدى; 4) وسى بۇيرىق قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە وسى تارماقتىڭ 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى قازاقستان رەسپۋبليكاسى ەنەرگەتيكا مينيسترلىگىنىڭ زاڭ قىزمەتى دەپارتامەنتىنە بەرۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسى ەنەرگەتيكا ۆيتسە-مينيسترىنە جۇكتەلسىن. 4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسى ەنەرگەتيكا ءمينيسترىنىڭ مىندەتىن اتقارۋشى م.مىرزاعاليەۆ «كەلىسىلگەن» قازاقستان رەسپۋبليكاسى ۇلتتىق ەكونوميكا ءمينيسترiنىڭ مىندەتىن اتقارۋشى م. قۇسايىنوۆ _____________ 2016 جىلعى 1 تامىز قازاقستان رەسپۋبليكاسى ەنەرگەتيكا ءمينيسترىنىڭ مىندەتىن اتقارۋشىنىڭ 2016 جىلعى 29 شىلدەدەگى №361 بۇيرىعىمەن بەكىتىلگەن رەزەرۆتىك قوردى قالىپتاستىرۋ جانە پايدالانۋ قاعيدالارى 1-تاراۋ. جالپى ەرەجەلەر 1. وسى رەزەرۆتىك قوردى قالىپتاستىرۋ جانە پايدالانۋ قاعيدالارى (بۇدان ءارى - قاعيدالار) «جاڭارتىلاتىن ەنەرگيا كوزدەرىن پايدالانۋدى قولداۋ تۋرالى» قازاقستان رەسپۋبليكاسى زاڭىنىڭ (بۇدان ءارى – زاڭ) 6-بابى 9-2) تارماقشاسىنا سايكەس ازىرلەندى جانە رەزەرۆتىك قوردى قالىپتاستىرۋ جانە پايدالانۋ ءتارتىبىن ايقىندايدى. 2. وسى قاعيدالاردا مىناداي نەگىزگى ۇعىمدار پايدالانىلادى: 1) بولجامدى جىل – شىعىنداردى ەسەپتەۋ جۇرگىزىلەتىن كۇنتىزبەلىك جىل; 2) كاسسالىق الشاقتىق – شارتتى تۇتىنۋشىلار تاراپىنان جاڭارتىلاتىن ەنەرگيا كوزدەرىن پايدالانۋ وبەكتىلەرى وندىرگەن جانە وزدەرى جەتكىزىپ بەرگەن ەلەكتر ەنەرگياسى ءۇشىن اقىسى تولەنبەۋى نەمەسە ۋاقتىلى تولەنبەۋى سالدارىنان تۋىنداعان اقشالاردىڭ ۋاقىتشا جەتىسپەۋشىلىگى; 3) رەزەرۆتىك قوردى قالىپتاستىرۋعا جۇمسالاتىن شىعىندار – قارجى-ەسەپ ايىرىسۋ ورتالىعىنىڭ رەزەرۆتىك قوردى قالىپتاستىرۋعا جۇمسايتىن ناقتى جانە/نەمەسە بولجامدى شىعىندارى. وسى قاعيدالاردا پايدالانىلاتىن وزگە دە ۇعىمدار مەن انىقتامالار قازاقستان رەسپۋبليكاسىنىڭ جاڭارتىلاتىن ەنەرگيا كوزدەرىن پايدالانۋدى قولداۋ سالاسىنداعى زاڭناماسىنا سايكەس قولدانىلادى. 2-تاراۋ. رەزەرۆتىك قوردى قالىپتاستىرۋ ءتارتىبى 3. قارجى-ەسەپ ايىرىسۋ ورتالىعى رەزەرۆتىك قوردى قازاقستان رەسپۋبليكاسىنىڭ ەكىنشى دەڭگەيلى بانكىندە وسى ماقساتتار ءۇشىن ارنايى قۇرىلاتىن بانكتىك شوتقا اقشا اۋدارۋ جولىمەن قالىپتاستىرادى. 4. رەزەرۆتىك قور قازاقستان رەسپۋبليكاسىنىڭ ۇلتتىق ۆاليۋتاسىمەن قالىپتاستىرىلادى. 5. رەزەرۆتىك قوردىڭ كولەمى قارجى-ەسەپ ايىرىسۋ ورتالىعىنىڭ جاڭارتىلاتىن ەنەرگيا كوزدەرىن پايدالانۋ وبەكتىلەرىنەن ەلەكتر ەنەرگياسىن ساتىپ الۋعا جۇمسالاتىن جىلدىق شىعىندارى كولەمىنىڭ ءۇش پايىزىن قۇراۋى ءتيىس. 6. قارجى-ەسەپ ايىرىسۋ ورتالىعى قازاقستان رەسپۋبليكاسى ەنەرگەتيكا ءمينيسترىنىڭ 2015 جىلعى 20 اقپانداعى №118 بۇيرىعىمەن بەكىتىلگەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 10622 بولىپ تىركەلگەن) جاڭارتىلاتىن ەنەرگيا كوزدەرىن قولداۋعا ارنالعان ءتاريفتى ايقىنداۋ قاعيدالارىنىڭ (بۇدان ءارى – جەك-ءتى قولداۋعا ارنالعان ءتاريفتى ايقىنداۋ قاعيدالارى) 4 جانە 6-تارماقتارىنا سايكەس جاڭارتىلاتىن ەنەرگيا كوزدەرىن پايدالاناتىن ەنەرگيا ءوندىرۋشى ۇيىمدار مەن ۋاكىلەتتى ورگان بەرەتىن اقپارات نەگىزىندە جىل سايىن 30 جەلتوقسانعا دەيىن: ەلەكتر ەنەرگياسىن تۇتىنۋ ايماقتارى بويىنشا جاڭارتىلاتىن ەنەرگيا كوزدەرىن پايدالاناتىن ەنەرگيا ءوندىرۋشى ۇيىمدار جاڭارتىلاتىن ەنەرگيا كوزدەرىنەن وندىرەتىن ەلەكتر ەنەرگياسىن ساتىپ الۋعا جۇمسالاتىن شىعىنداردى بولجامدى جىلعا ەسەپتەۋدى; بولجامدى جىلعا ەلەكتر ەنەرگياسىن تۇتىنۋ ايماعى بويىنشا رەزەرۆتىك قور قالىپتاستىرۋعا جۇمسالاتىن شىعىندار ەسەبىن مىنا فورمۋلا بويىنشا ەسەپتەۋدى: زرق = زتىرك ح ز% – زرق.پپ, , مۇندا زرق –Zi تۇتىنۋ ايماعىنا جاتاتىن بولجامدى جىلدىڭ رەزەرۆتىك قورىن قالىپتاستىرۋعا جۇمسالاتىن شىعىندار; زرق.پپ – بولجامدى جىلدىڭ باسىندا رەزەرۆتىك قوردى قالىپتاستىرۋعا جۇمسالاتىن شىعىندار; زتىرك – قارجى-ەسەپ ايىرىسۋ ورتالىعىنىڭ جەك-ءتى قولداۋعا ارنالعان ءتاريفتى ايقىنداۋ قاعيدالارىنا سايكەس انىقتالاتىن Zi تۇتىنۋ ايماعىندا جاڭارتىلاتىن ەنەرگيا كوزدەرىن پايدالانۋ وبەكتىلەرى وندىرەتىن ەلەكتر ەنەرگياسىن ساتىپ الۋعا جۇمسالاتىن جىلدىق شىعىندارى; 3% - قارجى-ەسەپ ايىرىسۋ ورتالىعىنىڭ جاڭارتىلاتىن ەنەرگيا كوزدەرىن پايدالانۋ وبەكتىلەرىنەن ەلەكتر ەنەرگياسىن ساتىپ الۋعا جۇمسالاتىن جىلدىق شىعىندارى كولەمىنەن رەزەرۆتىك قوردىڭ كولەمى; Zi - تۇتىنۋ ايماعى. 7. وسى قاعيدالاردىڭ 6-تارماعى 2) تارماقشاسىندا كورسەتىلگەن رەزەرۆتىك قوردى قالىپتاستىرۋعا جۇمسالاتىن شىعىنداردى قارجى-ەسەپ ايىرىسۋ ورتالىعى جەك-ءتى قولداۋعا ارنالعان ءتاريفتى ايقىنداۋ قاعيدالارىنا سايكەس جاڭارتىلاتىن ەنەرگيا كوزدەرىن قولداۋ تاريفىندە ەسەپكە الادى. 8. رەزەرۆتىك قوردى قالىپتاستىرۋعا جۇمسالاتىن شىعىندار ەسەپ ايىرىسۋ دەرەكتەرىنىڭ وزگەرۋىنە قاراي اي سايىن تۇزەتۋگە جاتادى. 9. جاڭارتىلاتىن ەنەرگيا كوزدەرىن پايدالاناتىن ەنەرگيا ءوندىرۋشى ۇيىمدار اي سايىن جەتكىزۋ ايىنا دەيىنگى ون كۇنتىزبەلىك كۇن ىشىندە قارجى-ەسەپ ايىرىسۋ ورتالىعىنا اعىمداعى جىلدىڭ سوڭىنا دەيىن ەلەكتر ەنەرگياسىن ءوندىرۋ, جەلىگە بوساتۋدىڭ بولجامدى كولەمدەرى تۋرالى اقپارات بەرەدى. 10. قارجى-ەسەپ ايىرىسۋ ورتالىعى ەسەپتىك ايدىڭ الدىنداعى ايدىڭ رەزەرۆتىك قوردى قالىپتاستىرۋعا ارنالعان بولجامدى جانە ناقتى قالىپتاسقان شىعىندار اراسىنداعى ايىرمانى ايقىندايدى. ەگەر دە رەزەرۆتىك قوردى قالىپتاستىرۋعا ارنالعان بولجامدى شىعىندار ەسەپتىك ايدىڭ الدىنداعى ايدا رەزەرۆتىك قوردى قالىپتاستىرۋعا قاجەتتى ناقتى شامادان كەم نەمەسە كوپ بولسا, قارجى-ەسەپ ايىرىسۋ ورتالىعى قايتا ەسەپتەۋ جۇرگىزەدى جانە وسى ايىرمانى اعىمداعى كۇنتىزبەلىك جىلدىڭ سوڭىنا دەيىن قالعان كەزەڭگە قايتا بولەدى. وسى تارماقتىڭ ەرەجەلەرى كۇنتىزبەلىك جىلدىڭ سوڭعى ايىنا قولدانىلمايدى. 11. قارجى-ەسەپ ايىرىسۋ ورتالىعى اي سايىن ەسەپتىك ايدىڭ ون بەسىنە دەيىن وسى قاعيدالاردىڭ 9 جانە 10-تارماقتارىندا كورسەتىلگەن ەسەپ ايىرىسۋ دەرەكتەرى نەگىزىندە اعىمداعى كۇنتىزبەلىك جىلدىڭ اياعىنا دەيىن قالعان كەزەڭگە رەزەرۆتىك قوردى قالىپتاستىرۋ شىعىندارىنا تۇزەتۋ جۇرگىزەدى جانە وسى اقپاراتتى جاڭارتىلاتىن ەنەرگيا كوزدەرىن قولداۋعا ارنالعان ءتاريفتى تۇزەتۋ كەزىندە ەسەپكە الادى. 3-تاراۋ. رەزەرۆتىك قوردى پايدالانۋ ءتارتىبى 12. رەزەرۆتىك قوردىڭ اقشاسىن قارجى-ەسەپ ايىرىسۋ ورتالىعى تەك قانا كاسسالىق الشاقتىقتاردى جانە قارجى-ەسەپ ايىرىسۋ ورتالىعىنىڭ جاڭارتىلاتىن ەنەرگيا كوزدەرىن پايدالاناتىن ەنەرگيا ءوندىرۋشى ۇيىمدار الدىنداعى, شارتتى تۇتىنۋشىلار تاراپىنان جاڭارتىلاتىن ەنەرگيا كوزدەرىن پايدالانۋ وبەكتىلەرى وندىرگەن ەلەكتر ەنەرگياسىن جەتكىزگەنى ءۇشىن تولەم جۇرگىزىلمەۋى نەمەسە كەشىكتىرىلۋى سالدارىنان تۋىنداعان بەرەشەگىن وتەۋگە جۇمسايدى. 13. قارجى-ەسەپ ايىرىسۋ ورتالىعى شارتتى تۇتىنۋشىلار ءۇشىن زاڭدا بەلگىلەنگەن تولەم جۇرگىزۋ مەرزىمى اياقتالعاننان كەيىن ون بەس جۇمىس كۇنىنەن كەشىكتىرمەي اي سايىن كاسسالىق الشاقتىق شاماسىن انىقتايدى جانە رەزەرۆتىك قوردىڭ اقشاسىن اتالعان كاسسالىق الشاقتىقتى جابۋ ءۇشىن پايدالانادى. 14. رەزەرۆتىك قوردىڭ قارجى-ەسەپ ايىرىسۋ ورتالىعى كاسسالىق الشاقتىقتى جابۋ ءۇشىن پايدالانعان اقشالاي قاراجاتتار قايتارىلادى جانە شارتتى تۇتىنۋشىلاردان كەلىپ تۇسكەن اقشالاي قاراجات ەسەبىنەن رەزەرۆتىك قوردىڭ ارنايى بانكتىك شوتىنا ەسەپكە الىنادى. 15. قارجى-ەسەپ ايىرىسۋ ورتالىعى «اۋديتورلىق قىزمەت تۋرالى» قازاقستان رەسپۋبليكاسىنىڭ زاڭىنا سايكەس جىلدىق قارجىلىق ەسەپتەمەگە اۋديت جۇرگىزۋگە جانە ونى ۋاكىلەتتى ورگانعا ۇسىنۋى ءتيىس. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 6 قىركۇيەكتە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №14210 بولىپ ەنگىزىلدى.